လောကတွင် ကျွန်တော်အပါအ၀င် လူတိုင်းသည် မိမိကိုယ်မိမိ အရာအားလုံး၌ မှန်သည်ဟုထင်တတ်ကြသည်။ ထို့ကြောင့် အရေးအကြောင်းတစ်စုံတစ်ခုဖြစ်လာသောအခါ ထိုဖြစ်ပျက်သောအရာကို အမှန်အတိုင်းမြင်ရန် မကြည့်တော့ဘဲ မိမိ မှန်သည်ဟု ခံယူသောအရာပေါ်တွင် ရပ်တည်တတ်ကြသည်။ ထိုသို့သော အရာက မိမိတို့ကို လမ်းမှန်ပေါ်တို့ ပို့ပေးနိုင်မည်မဟုတ်ပေ။
အမှန်တရားဆိုသည်မှာ မိမိတို့နှင့် အလွန်တရာ ဝေးကွာသောအရပ်တွင် ပုန်းခိုနေသည်မဟုတ်ပေ။ မိမိမှားနေသောအရာနှင့် ကျောခြင်းကပ်တွင် ရှိနေခြင်းသာဖြစ်သည်။ တစ်နည်းအားဖြင့် ဒင်္ဂါးပြား၏ ခေါင်းနှင့်ပန်းကဲ့သို့ပင်ဖြစ်သည်။
လောကကြီးတွင် အမှားများစွာအနက် အကြီးမားဆုံးနှင့် ကြောက်စရာ အကောင်းဆုံးသောအမှားမှာ မိမိကိုယ်မိမိ မှန်နေသည်ဟု တစ်ထစ်ချထင်မှတ်နေခြင်းပင်ဖြစ်သည်။ လူဆိုသည်မှာ အမြဲတမ်းမမှားတတ်သလို အမြဲတမ်းလည်း မမှန်ကန်တတ်ပေ။ ထို့ကြောင့် မိမိကိုယ်ကို သတိချပ်သင့်လှသည်။ မ်ိမိ မှန်ကန်နေသည်ဟု ထင်နေသော အချိန်တွင်ပင် အမှားများဆက်တိုက်လုပ်နေမိသော အချိန်ဖြစ်တတ်သည်။
ထို့ကြောင့် အမှန်တရားကို သိနိုင်ဖို့ရန် အကြောင်းတရားနှင့် အဖြစ်အပျက်များကို သေချာလေ့လာသင့်သလို မလေ့လာမဆင်ခြင်ပဲ သူတစ်ပါးကိုလည်း အပြစ်တင် မစောသင့်ပေ။
လောကကြီးကို မှန်ကန်စွာ ကြည့်တတ်သောသူများဖြစ်နိုင်ကြပါစေလို့ ...
ဦးဆောင်နေသူတွေရဲ့ တာဝန်
“ဒါမလုပ်ရင် ဘာလုပ်မလဲဆိုတာ တိုင်းသူ ပြည်သားတွေရဲ့ တာဝန်မဟုတ်ဘူး။ နိုင်ငံ ရေးသမားတွေ၊ တိုင်းပြည်ကို ဦးဆောင်နေ သူတွေရဲ့ သူတို့ရဲ့ တာဝန်ဖြစ်တယ်။ ဒီတာ ၀န်ကို သူတို့ ကျေပြွန်အောင် ထမ်းဆောင်ဖို့ အတွက် သူတို့ဟာ ဒီနည်းလမ်းတွေကို ရှာ ရမှာပဲ” (လူထုစိန်ဝင်း)
ကိုင်စရာလက်နက် (၃)မျိုး
“ဒီလိုကာလမျိုးဆိုက်လာချိန်မှာ ကိုင်စွဲစရာ လက်နက် (၃) မျိုးသာ ကျနော်တို့မှာ ရှိပါ တော့တယ်။ မကြောက်တရားလက်နက်၊ သွေးစည်းညီညွတ်ရေးလက်နက်၊ စစ်အာ ဏာရှင်စနစ်ဆန့်ကျင်ရေး ရည်မှန်းချက်ပန်း တိုင် တခုတည်း ချမှတ် ရှေးရှု ရင်ဆိုင် ချီ တက်ရေးလက်နက်။ (၈၀) နှစ်ပြည့်မွေးနေ့ မှာ ဒီလို သ၀ဏ်စကား ပါးခွင့်ရတာ ၀မ်း သာတယ်၊ ကျေနပ်တယ်၊ အားရတယ်၊ အရေးတော်ပုံ အောင်ရမည်” (သတင်းစာ ဆရာကြီး ဟံသာဝတီ ဦးဝင်းတင်၏ ၈၀ ပြည့်မွေးနေ့ သ၀ဏ်လွှာမှ ...)
Hong hawh bang zah
အွန်လိုင်း ဧည့်သည်များ
ကာတွန်း
My foto
No comments:
Post a Comment