Cih tak na in thaman nei a tua tha man pen a ci tak mi te in a ngah ne kik ham tang uh hi. Lei tung ah ih nuntak hun sung in cihtakna mah thupi a tua cihtak na hang mah tawh zong gual zawh na ki ngah hi. A diak diak in ei Zomi te mi citak mahmah te in hong ki ciam teh bek hi lo in ei leh ei zong ih ki ciam teh aa, vaphual bang tawh ih ki ngen teh hi. A hih hang tun ei khang thak te hun ah tua cihtakna te ih len kip takpi lai hiam? Ih Pu ih Pa te in a na letkip uh cihtakna te ih man suah kha ta hiam? Ki et tel huai ka sa mah mah hi.
Khat vei lai in ka sanguh ah Professor khat in thu khat hong ngen ngei hi. Tua thu in bang hiam cih leh " Zomi te pen citak lua mahmah a hih man in tuciang ciang khamtung gam ah mivan guu leh mizi mita te mawhpih cih te tawh thu ki neih ka za ngei nai kei aa, kawlgam a ding in et teh huai State khat hi ka sa hi" hong ci ngei hi. Tua thu hong ngen na ka zak ciang in ka mulkim liang hi. Ih cih takna te ei gen bek hi lo in mi namdang te in hong muh sak in hong ngen sak uh ih zat ciang nuam pha deuh se hi.
A hih hang hih thu te pen tuma kum 10 kim pawl lai a thu te hi aa, tuhun lai thu te hi non lo thei kha in ka um hi. Zomi te zong tuin ih minam man zo tak non lo in Kawlte in hong lawh mang ta aa, zua thu ngen ding zong ih lau non kei hi. Mi ih khem ding zong baih ih sa mahmah ta hi. Thu man tak in a om te na ngawn pen a teilo ci in ih zahko thei kha zel hi. Tua hi leh ih Pu ih Pa te in khaici hong tut uh cihtakna leh thumanna te koi sung teng ah leng mang ta hiam?
Ih khanggui sungah hong ki tuh pen citakna leh thu man na hi aa, a hih hang ih khang thak te a ding in ih piak khaici pen thuman loh na te a hih ding lua huai mahmah hi. Ei khang ah ih thuman loh na in ih tuu ih ta te khang ah a ngah na at ding uh a hih man in lua huai mahmah hi.
Tua a hih ciang ih neihsa thumanna leh cihtak na te len cip kik in ih gam leh ih lei ah ding in khaici man pha vawh khawm kik ding hi hang. Tua hi leh thumanna leh cihtakna thaman pen ih nuntakna ah ih sang ih ne ding hi.
No comments:
Post a Comment